Ji Dogana DEM Partiyî daxuyaniya li ser "Pêşniyaza Qanûna Bihêzkirina Pişgiriya Neteweyî û Yekbûna Civakî":

Ayşegul Dogana Berdevka DEM Partiyê der heqê "Pêşniyaza Qanûna Bihêzkirina Pişgiriya Neteweyî û Yekbûna Civakî" da wiha got, "Ev ne îmzeyeke alelade û ji rêzê ye, ev îmzeyek e ku ji bo paşeroja me ya hevpar hatiye avêtin. Ji bo me hemûyan, ji bo tevahiya Tirkiyeyê û ji bo kesên têkoşîna pêkvejiyanê dan, bi xêr be."

Dogan li navenda giştî ya partiya xwe di daxuyaniya çapemeniyê da diyar kir ku wekî partî wan cara yekem pêşniyazeke qanûnê îmze kir.

Doganê bal kişand ku ew rûbirûyî pêşniyazeke qanûnê ne ku ji bo 86 milyonî giring e û wiha axivî: "Ev ne îmzeyeke alelade û ji rêzê ye, ev îmzeyek e ku ji bo paşeroja me ya hevpar hatiye avêtin. Ji bo me hemûyan, ji bo tevahiya Tirkiyeyê û ji bo kesên têkoşîna pêkvejiyanê dan, bi xêr be. Bira pêparxêr be, bira aştiyê bike dirûvekî mayînde."

Doganê destnîşan kir ku ev îmze, di derbasbûna ji zemîna şerê çekdarî ber bi zemîna hiqûq û siyaseta demokratîk da gava yekem a serdemeke nû ye û her wiha rê dê zehmet be, lêbelê ji bo avakirina hişmendiya pêwîst ew ê têbikoşin.

Doganê diyar kir ku ev pêşniyaza qanûnê di encama şêwirên ku bi mehan ajotin da derketiye holê û got: "Di encamê da em dixwazin li ser navê partiya xwe spasiya hemû partiyên siyasî bikin ku ji bo vê pêşniyaza qanûnê helwesteke erênî nîşan dan û hewl dan."

Doganê da zanîn ku ev pêşniyar xîma yekem a zemîna hiqûqî ya paşeroja hevpar e ku dê bi hev ra were avakirin û destnîşan kir ku pêşniyara qanûnê dê ji bo vegera ber bi malê rêyekê veke.