Serokê MÎTê Kalin, bi Wezîrê Karên Derva yê Sûriyeyê Şeybanî ra hevdîtin kir

Serokê Teşkîlata Îstixbaratê ya Neteweyî (MÎT) Îbrahîm Kalin bi Wezîrê Karên Derva yê Sûriyeyê Esad Hesen Şeybanî ra li Enqereyê hevdîtin kir.

Li gor agahiya ku ji çavkaniyên ewlehiyê hat hildan, Kalin û Şeybanî li ser têkiliyên Tirkiye û Sûriyeyê, qadên tevkariyê yên hevpar, têkiliyên bi welatên cînar ra, îstiqrara herêmî, geşedanên li Libnanê û têkiliyên Sûriye û Libnanê sekinîn.

Digel vê yekê, ji bo Sûriyeyê rengvedanên "Teklîfa Qanûnê ya ji bo Piştevaniya Neteweyî û Xurtkirina Yekparetiya Civakî" jî hatin axaftin.

- Entegrasyona HSDyê

Kalin û Şeybanî digel pêşketina pêvajoyê ya entegrasyona HSDyê li ser xurtkirina tevkariyê ya ji bo têkoşîna terorê jî sekinîn.

Hat gotin ku li Sûriyeyê ji bo ku pêvajoya entegrasyona HSDyê bi awayekî serkeftî kuta bibe, gavên çêker hatin avêtin.

Hat destnîşankirin ku seba tesîskirina îstiqrarê hikûmeta Sûriyeyê fealiyetên têkoşîna bi DEAŞa rêxistina terorê ra bi awayekî xurt didomîne.

Ji aliyê din va ji bo herêmê rengvedanên siyasî û aborî yên şerê navbera Amerîka/Îsraîl û Îranê, rewşa dawî ya tengavakirina Sûriyeyê û veberhênanên ji bo Sûriyeyê jî hatin nirxandin.

Di hevdîtinê da hat destnîşankirin ku di dema dawî da li herêmê şer û pevçûn qewimîn û Sûriyeyê hewl da ku tevî van şer û pevçûnan nebe, ji bo tesîskirina îstiqrara herêmê dewlet û gelê Sûriyeyê di serî da ji bo welatên cînar, ji bo herêma xwe helwesteke aştiyane nîşan da.