TEHRAN
Hevdîtina Serokomar Erdogan û Serokomarê Îranê Rûhanî ya li ser "Lûtkeya Sêalî" ya ji bo Sûriyeyê wê bê kirin, dest pê kir.
Serokomar Recep Tayyîp Erdogan ji bo beşdarî "Lûtkeya Sêalî" bibe bi "CAN" a balafira taybet va di saet 11.30yî da hat Tehrana paytexta Îranê.
Balafira Serokomar Erdogan li Balafirgeha Navneteweyî ya Mehrabadê danî, Wezîrê Pîşesazî Maden û Bazirganiyê yê Îranê Mihemed Şerîatmedarî, Midûrê Protokola Ofîsa Serokomariya Îranê Sadiq Evdilahî, Balyozê Enqereyê yê Îranê Ebrahîm Taherîan Fard û Balyozê Tehranê yê Tirkiyeyê Riza Hakan Tekîn hatin pêşiya Serokomar Erdogan û ew pêşwazî kirin.
Wezîrê Parastina Neteweyî Hulusî Akar, Wezîrê Xezîne û Darayiyê Berat Albayrak û Serokê Ragihandinê yê Serokomariyê Fahrettin Altun jî bi Serokomar Erdogan ra hatin Îranê.
Wezîrê Karên Derva Mevlut Çavuşoglu û Serokê MÎTê Hakan Fîdan jî rojek beriya Serok Erdogan derbasî Îranê bûbûn.
