"Di 16 saliyan da bikaranîna hişbir û cixareyê kêm bû"

Fuat Oktayê Alîkarê Serokomar got: "Wezareta me ya Perwerdeya Neteweyî ji bo xwendekarên 16 salî lêkolîn kir û li gor lêkolînê ji 2017an vir va bikaranîna hişbirê û cixareyê kêm bûye."

Oktay li Kulliyeya Serokomariyê di Civîna Lijneya Bilind a Têkoşîna Mubtelayê da axivî û bi bîr xist ku lijneyê di sala 2019an da civîna xwe ya ewil di tîrmehê da kir.

Oktay diyar kir ku di 2019an da ji bo xebitandina titûnê ku di civakê da berbelav e û têkoşîna wê, li cihên ku kişandina cixareyê qedexe ne kontrol hatin kirin û wiha dewam kir: "Di sala 2019an da me bi tevahî 3 milyon kontrol pêk anîn û 25 hezar û 294 binpêkirin hatin tesbîtkirin û ceza hatin birîn."

Oktay destnîşan kir ku xerabkirina avahiyên metrûk ên ku li gor tesbîtê diçin û tê da hişbirê hildidin, di sala 2019an da jî bi biryardarî dewam kir û wiha dewam kir:

"Di vê çarçoveyê da heta dawiya mijdarê 83 hezar û 410 avahiyên metrûk hatin tesbîtkirin û ji van avahiya 52 hezar û 424 xerab bûn, 18 hezar û 147 jê hatin rehabîlîtekirin. Pêvajoya xerabkirina 12 hezar û 839 avahiyan jî dewam dike."

Oktay li ser lêkolîna ku Wezareta Perwerdeya Neteweyî ji bo bikaranîna hişbir û cixareyê kir jî wiha got: "Wezareta me ya Perwerdeya Neteweyî ji bo xwendekarên 16 salî lêkolîn kir û li gor lêkolînê ji 2017an vir va bikaranîna hişbirê û cixareyê kêm bûye."