ڕووسیا: "١٣٢ فڕۆکەی بێ فڕۆکەوانی ئوکراینامان خستووەتە خوارەوە"

مۆسکۆ ــ AA

وەزارەتی بەرگریی ڕووسیا ڕایگەیاند کە ١٣٢ فڕۆکەی بێ فڕۆکەوانی ئۆکراینا لە ژمارەیەک ناوچەی ڕووسیا، خراونەتە خوارەوە.

وەزارەتەکە لە ڕاگەیاندراوێکدا ئاماژەی بەوەداوە کە درەنگانی شەوی ڕابردوو، ئۆکراینا بە ئاراستەکردنی ١٣٢ فڕۆکەی بێ فڕۆکەوان، ھێرشی کردووەتە سەر ژمارەیەک ناوچەی ڕووسیا.

ڕاشیگەیاندووە کە فڕۆکە بێفڕۆکەوانەکان، لەلایەن سیستەمی بەرگریی ئاسمانیی ڕووسیاوە خراونەتە خوارەوە.

لەوبارەیەوە فەرمانڕەوای ناوچەی ساراتۆڤ باشووری ڕۆژھەڵاتی ڕووسیا، رۆمان بوسارگین ڕایگەیاندووە کە بەھۆی ھێرشەکەی شەوی ڕابردووی ئۆکراینا، ٣٠ خانوو و نەخۆشخانەیەک لە ناوچەی ساراتۆڤ، زیانیان بەرکەوتووە.