لە ئەنجامی داڕمانی خانوویەکی قوڕ لە سێرت سێ کەس گیانیان لەدەستدا

سێرت - AA

لە شارۆچکەی شیروانی سەربە سێرت لە ئەنجامی داڕمانی خانوویەکی دوو نهۆمی قوڕ، سێ کەسی یەک خێزان گیانیان لەدەستدا و ٥ کەسی دیکەش برینداربوون.

بەپێی ئەو زانیارییانەی دەستکەوتوون، لە گوندی سۆغانڵیی سەربە شارۆچکەی شیروان، خانوویەکی دوو نهۆمی قوڕ داڕماوە و تا ئێستاش هۆکاری داڕمانەکەی نەزانراوە.

لەدوای ئەوەش کە هەواڵیان پێدەگات، تیمەکانی ئافاد دەگەنە ناوچەکە و بە هاوکاریی دانیشتوانی گوندەکە هەوڵی رزگارکردنی ئەو کەسانەیان داوە کە لەژێر داروپەردووی خانووەکەدا داڕماوەکەدا ماونەتەوە.

ئەوەش زانراوە کە سێ لەو کەسانەی لە ژێر داروپەردووەکان دەرهێنراون، گیانیان لەدەستداوە و ٥ی دیکەیان بریندارن.

بریندارەکان بۆ نەخۆشخانەی گشتیی سێرت گوازراونەتەوە و ئاماژە بەوەش دەکرێت کە دۆخی تەندروستی سەرجەمیان جێگیرە.

بەمەبەستی ئەنجامدانی توێکاری بۆیان، تەرمی ئەو کەسانەی بەهۆی داڕمانی خانووەکەوە گیانیان لەدەستداوە، بۆ پزیشکی دادی نەخۆشخانەی گشتیی سێرت گوازرایەوە.