Operacioni për çlirimin e Mosulit, DAESH-i "eliminohet" nga 11 fshatra

ERBIL (AA) – Forcat irakiane kanë çliruar 11 fshatra në afërsi të Mosulit, në kuadër të operacionit për çlirimin e qytetit nga prezenca e organizatës terroriste DAESH, raporton Anadolu Agency (AA).

Në njoftimin e Ministrisë së Mbrojtjes të Irakut më herët theksohej se ka filluar faza e parë e aksionit "Pushtimi” që ka për qëllim çlirimin e Mosulit nga terroristët e DAESH-it.

Siç theksohet, tanimë është rimarrë kontrolli mbi disa fshatra në afërsi të Mosulit ku janë vendosur flamujt e Irakut.

Gjatë operacionit për çlirimin e Mosulit, forcat e Irakut kanë përkrahjen e avionëve të koalicionit, ndërkohë që komandanti i forcave Peshmerge, Mahmuru Ziryan Seyh Vesani, deklaroi për AA se Peshmergët gjithashtu janë pjesë e aksionit.

Vesani theksoi më tej se gjatë aksionit janë plagosur 12 ushtarë, dy nga të cilët në gjendje të rëndë.

Qeveria e Irakut më 9 shkurt në Mahmur zbarkoi rreth katër mijë ushtarë dhe armatim të rëndë të cilët në pritje të aksionit ishin vendosur rreth 60 kilometra larg Mosulit.