Inteligjenca turke “neutralizon” vrasësin e stërvitur të grupit terrorist PKK në Irakun verior

Agjencia Kombëtare e Inteligjencës e Türkiyes (MIT) ka “neutralizuar” një vrasës të stërvitur të grupit terrorist PKK në një operacion ndërkufitar në Irakun verior, raporton Anadolu.

Sipas burimeve të sigurisë, operacioni u zhvillua në rrethin verilindor Sulaymaniyah, duke vënë në shënjestër Bekir Kina-n, me emrin e koduar Bawer Botan, i cili ishte stërvitur nga organizata terroriste PKK për të vrarë zyrtarët e policisë dhe inteligjencës turke.

Deri më sot, Kina ka marrë pjesë aktive në aktivitetet terroriste në Irak dhe Iran.

Autoritetet turke përdorin termin “neutralizuar” që nënkupton se terroristi në fjalë u dorëzua, u vra ose u kap.

Terroristët e PKK-së shpesh fshihen përtej kufirit, në Irakun verior, për të komplotuar sulme.

Në fushatën e saj terroriste mbi 40-vjeçare kundër Türkiyes, PKK-ja e listuar si një organizatë terroriste nga Türkiye, SHBA-ja, Mbretëria e Bashkuar dhe Bashkimi Evropian (BE), ka qenë përgjegjëse për vdekjen e afër 40 mijë njerëzve, përfshirë shumë gra, fëmijë dhe foshnje.