Itali, rritet në 22.745 numri i të vdekurve nga COVID-19

Italia ka raportuar 482 vdekje të tjera nga koronavirusi i ri (COVID-19), duke e çuar në 23.227 numrin e përgjithshëm të vdekjeve nga ky virus në vend, transmeton Anadolu Agency (AA).

Sipas të dhënave nga Departmenti i Mbrojtjes Civile të Italisë, rastet e konfirmuara u rritën me një shkallë më të shpejtë krahasuar me një ditë më parë, gjegjësisht me një rritje prej 0,7 për qind duke arritur në 107.771.

Shërimet po ashtu u rritën në 44.927, ndërsa numri i pacientëve që trajtohen në kujdes intensiv vazhdoi të ulet, duke lehtësuar më tej presionin mbi sistemin e kujdesiv shëndetësor të tepruar të Italisë.

Epiqendra e shpërthimit në Itali mbetet rajoni verior i Lombardisë, ku aktualisht ka 12.050 viktima nga koronavirusi, shifër e cila është më shumë se gjysma e numrit të përgjithshëm të vdekjeve në Itali.

Pas shfaqjes për herë të parë dhjetorin e kaluar në Wuhan të Kinës, koronavirusi është përhapur në mbarë botën, ndërsa Organizatata Botërore e Shëndetësisë (OBSH) shpërthimin e ka shpallur një pandemi globale.

Bazuar në të dhënat e Universitetit John Hopkins me qendër në SHBA, mbi 2.25 milionë raste të koronavirusit janë raportuar në mbarë botën, me rreth 156 mijë të vdekur dhe rreth 580 mijë të shëruar.