Kerry në Arabinë Saudite, në fokus Jemeni dhe bisedimet e paqes

RIJAD (AA) - Takimi me Mbretin saudit Salman bin Abdulaziz, shënon vizitën zyrtare të Sekretarit amerikan të Shtetit John Kerry në Rijad, e cila është ndoshta vizita e tij e fundit si shef i diplomacisë amerikane, raporton Anadolu Agency (AA).

Agjencia shtetërore arabe e lajmeve SPA njoftoi se të dy zyrtarët diskutuan mbi çështjet rajonale. Para vizitës, Departamenti amerikan i Shtetit njoftoi se Kerry gjatë një vizite në Arabinë Saudite do të diskutojë për luftën në Jemen dhe bisedimet e ngecura të paqes për t'i dhënë fund konfliktit.