Kroaci, 38 të vdekur dhe 1.529 raste të reja me COVID-19

Gjatë 24 orëve të fundit në Kroaci janë regjistruar 1.529 raste të reja të infektimit me koronavirusin e ri(COVID-19) dhe 38 persona të tjerë kanë ndërruar jetë, transmeton Anadolu Agency (AA).

Selia e Mbrojtjes Civile e Republikës së Kroacisë njoftoi se numri i rasteve aktive në Kroaci sot është gjithsej 14.942.

Midis tyre, 1.451 pacientë janë në spital, nga të cilët 142 në respirator.

"Që nga 25 shkurti 2020, kur u regjistrua rasti i parë i infeksionit në Kroaci, janë regjistruar gjithsej 68.776 raste të infeksionit me koronavirus, nga të cilët 832 kanë vdekur, gjithsej 53.002 njerëz janë shëruar, nga të cilët 2.227 në 24 orët e fundit", tha mbrojtja civile.

Aktualisht, 28.122 njerëz janë në vetizolim.

Deri më tani, gjithsej 564.686 njerëz janë testuar, nga të cilët 5.670 në 24 orët e fundit.