"Marrëdhëniet Turqi-Rusi rëndësi të madhe për stabilitetin e rajonit"

MOSKOVA (AA) - Ministri i Jashtëm i Turqisë Mevlüt Çavuşoğlu tha se marrëdhëniet e mira mes Rusisë dhe Turqisë kanë rëndësi të madhe për stabilitetin e rajonit, raporton Anadolu Agency (AA).

Çavuşoğlu arriti në Moskë për të marrë pjesë në një mbledhje me homologun rus Sergey Lavrov në të cilën do të diskutohet kriza e Sirisë dhe marrëdhëniet dypalëshe.

Duke folur para gazetarëve para takimit, shefi i diplomacisë turke theksoi se marrëdhëniet mes dy vendeve janë duke u forcuar çdo ditë e më shumë.

"Marrëdhëniet mes vendeve tona kanë rëndësi të madhe për stabilitetin e rajonit. Në ditët në vijim do të ketë kontakte mes liderëve tanë. Samitin në formatin e Soçit do ta realizojmë në Teheran", tha Çavuşoğlu.

Po ashtu, edhe ministri rus Lavrov tha se marrëdhëniet mes Rusisë dhe Turqisë vazhdojnë të zhvillohen me sukses në çdo fushë.

"Ne i japim rëndësi të madhe bashkëpunimit që kemi me Turqinë në çështjet ndërkombëtare. Gjithashtu, edhe bashkëpunim teknik ushtarak mes Turqisë dhe Rusisë është duke u zhvilluar në mënyrë tejet intensive", u shpreh Lavrov.