Seda Sevencan
26 Dhjetor 2020•Përditësim: 26 Dhjetor 2020
Mbështetja e Japonisë për Turqinë gjatë kohëve të vështira është e freskët në mendjet e turqve, tha një zyrtar i qeverisë turke, raporton Anadolu Agency (AA).
“Pasi ndodhën tërmetet e mëdha në Turqi, tërmeti në Marmara në vitin 1999 dhe tërmeti në Van në vitin 2011, Japonia me nxitim erdhi të ndihmojë me të gjitha mjetet në dispozicion. Kontributet dhe mbështetjet e vendit tonë miqësor Japonisë janë akoma të freskëta në mendjet tona", deklaroi dje zëvendësministri i Brendshëm i Turiqsë, İsmail Çataklı, në një seminar të përbashkët online Turqi-Japoni mbi uljen e rrezikut nga katastrofat.
Ai përmendi emrin e Dr. Atsushi Miyazaki, i cili humbi jetën në Van, ku po bënte punë vullnetar në përpjekjet e kërkimit dhe shpëtimit pas tërmetit të vitit 2011. Pas dridhjes së dytë, Çataklı tha se Miyazaki u bë simbol duke treguar se të dy vendet mund të sakrifikonin jetë për të ndihmuar njëri-tjetrin.
Pas tërmetit të madh të në Japoninë lindore në vitin 2011, ekipi turk i kërkimit dhe shpëtimit ishte i pari që mbërriti në Japoni për të ndihmuar, tha Çataklı.
Ai vuri në dukje se të dy vendet kanë kryer punë dhe projekte të ndryshme të përbashkëta për të minimizuar dëmet nga katastrofat, veçanërisht tërmetet.
Në kuadër të deklaratës së qëllimeve të mira të nënshkruar në vitin 2014 për forcimin e kapaciteteve të menaxhimit të katastrofave të të dy kombeve dhe për të gjetur zgjidhje për vështirësitë në menaxhimin e katastrofave, Çataklı tha se seminaret dhe ekspozitat mbahen për të shkëmbyer përvoja dhe njohuri rreth katastrofave.
Turqia gjithashtu nënshkroi një marrëveshje bashkëpunimi më 27 dhjetor 2018 mbi uljen e rrezikut të katastrofës me Japoninë, shtoi ai.
"Për fat të keq, ne nuk mund të takoheshim ballë për ballë në vitin 2020 për shkak të pandemisë, por përsëri kemi kryer punën tonë rreth tërmetit, i cili është problemi më i madh i të dy vendeve", tha ai, duke iu referuar seminarit për sistemin e paralajmërimit të tërmetit.
Mehmet Güllüoğlu, kreu i Autoritetit të Menaxhimit të Fatkeqësive dhe Emergjencave të Turqisë (AFAD), tha se ulja e rrezikut të katastrofës është çështja kryesore për menaxhimin e katastrofës.
Ai vuri në dukje se AFAD nuk është vetëm një organizatë kombëtare për menaxhimin e fatkeqësive, por ajo kryen aktivitete humanitare në rajone si Siria, si dhe ka ndihmuar të moshuarit dhe nevojtarët gjatë pandemisë së koronavirusit.
