Diyar Güldoğan
22 Shkurt 2025•Përditësim: 23 Shkurt 2025
Pentagoni ka bërë të ditur se javën e ardhshme do të fillojë me shkarkimin e 5.400 punëtorëve në provë, transmeton Anadolu.
“Ne presim që rreth 5.400 punëtorë në provë të lirohen duke filluar nga java e ardhshme, pas së cilës do të zbatojmë një ngrirje të punësimit derisa të bëjmë një analizë të mëtejshme të nevojave tona të personelit, duke respektuar si gjithmonë të gjitha ligjet në fuqi”, tha Darin Selnick, i cili po kryen detyrat e nënsekretarit të mbrojtjes për personelin dhe gatishmërinë.
Ky njofton vjen një ditë pasi sekretari i Mbrojtjes, Pete Hegseth, njoftoi se departamenti po ri-vlerëson fuqinë punëtore në provë.
“Parashikojmë reduktimin e fuqisë punëtore civile të departamentit me 5-8 për qind për të prodhuar efikasitet dhe për të ri-fokusuar departamentin në prioritetet e presidentit dhe për të rivendosur gatishmërinë në fuqi”, tha Selnick.
Së fundmi, sekretari Hegseth i udhëzoi zyrtarët ushtarakë që të gjejnë shkurtime buxhetore prej 50 miliardë eurosh për vitin fiskal 2026 për t’u ri-drejtuar drejt prioriteteve të presidentit Donald Trump për departamentin.
