Rritet në 75 numri i ushtarëve izraelitë të vrarë në Gaza

Ushtria izraelite njoftoi të dielën vonë se numri i ushtarëve të vrarë në Gaza është rritur në 75 që nga shtrirja e ofensivës tokësore në enklavë më 27 tetor, raporton Anadolu.

Tre ushtarë të tjerë janë vrarë dhe një tjetër ushtar ka pësuar plagë të rënda në përleshjet në Rripin e Gazës, tha ushtria izraelite.

Izraeli nisi sulme të pamëshirshme ajrore dhe tokësore në Rripin e Gazës pas një sulmi ndërkufitar nga grupi palestinez Hamas më 7 tetor.

Numri i të vdekurve nga sulmet izraelite në Rripin e Gazës është rritur në më shumë se 15.500 që nga fillimi i konfliktit më 7 tetor, njoftoi të dielën Ministria e Shëndetësisë në enklavën e rrethuar palestineze.

Numri i të plagosurve gjatë të njëjtës periudhë është rritur në mbi 41.000.

Numri zyrtar i të vdekurve në Izrael është 1.200.