Rusia: Ukraina tentoi të sulmojë Moskën me dronë

Ministria ruse e Mbrojtjes njoftoi se Ukraina tentoi të sulmojë kryeqytetin Moskë me tre mjete ajrore pa pilot (dronë), transmeton Anadolu.

Në një deklaratë nga ministria theksohet se "forcat e mbrojtjes ajrore ruse parandaluan në orët e natës tentativën e regjimit të Kievit për sulm terrorist me tre dronë ndaj Moskës".

Sipas deklaratës, dy prej dronëve u shkatërruan në hapësirën ajrore të rajoneve Mozhaysky dhe Khimki pranë Moskës.

"Droni i tretë u bastis me mjete ajrore të luftës elektronike dhe pas humbjes së kontrollit u përplas me një objekt në ndërtim në kompleksin Moskow City", thuhet në deklaratë.

Po ashtu në deklaratë theksohet se në sulme nuk ka pasur humbje jete.