Mbahet në paraburgim një i dyshuar për sulmin terrorist në Stamboll

STAMBOLL (AA) – Vazhdon të mbahet në paraburgim një i dyshuar për sulmin terrorist të së shtunës në Stamboll, ndërkohë që dy vëllezërit e sulmuesit vetëvrasës janë liruar nga gjykata me kusht, raporton Anadolu Agency (AA).

Ndërkohë prokurori i Stambollit ka liruar nga çdo akuzë dy persona të tjerë njëri nga të cilët babai i sulmuesit.

Vendimet kanë të bëjnë me sulmin vetëvrasës terrorist në rrugën "Istiklal" të Stambollit ku mbetën të vrarë 4 persona dhe 45 të tjerë mbetën të plagosur.

Sulmuesi vetëvrasës u identifikua nga autoritetet si Mehmet Ozturk, i lindur në provincën Gaziantep në vitin 1992.

Ozturk dyshohet për lidhje me DAESH-in, ndërsa për sulmin në fjalë u arrestuan gjithsej pesë persona.