Firotina Teslayê li Ewropayê di meha çileya paşîn da gelekî kêm bû

Li Ewropayê firotina wesayîtên marqeya Teslayê di meha çileya paşîn da li gorî heman mehê ya par ji sedî 45,2 kêm bû.

Yekîtiya Çêkerên Wesayîtan a Ewropayê (ACEA) daneyên nû yên qeydkirinê ya wesayîtan a çileya paşîn a li welatên Ewropayê eşkere kir.

Li gor daneyan, li Ewropayê firotina wesayîtên şirketa Teslayê ya ku xwediyê wê milyarderê Amerîkî Elon Musk e gelekî kêm bû.

Par di meha çileya paşîn da 18 hezar û 161 Tesla hatibûn firotin. Îsal di heman mehê da ev hejmar ji sedî 45,2 kêm bû û daket 9 hezar û 945an.

Di qada wesayîtê ya kurewî da nirxê bazarê ya Teslayê ji trilyonek dolarî zêdetir e ku di demên dawîn da ew li welatên Ewropayê kêm tê firotin.

Dema Serokê Amerîkayê Donald Trump dest bi wezîfeyê kir merasimek hatibû lidarxistin. Elon Musk di vê merasimê da û li ser înternetê bi destê xwe îşareteke ku dişîbe silava Naziyan dabû. Ji bilî vê, bi eşkere piştgirî da siyasetmedarên rastgir ên tundrew ên Almanyayê û têkilî siyaseta Îngilterê jî bû. Ev tevgerên Musk bûn sedem ku Ewropayî eleqeyeke kêm nîşanî şirketa wî bidin.

Firotina Teslayê Almanya, Fransa, Îtalya, Îspanya û Îngiltere di serî da hema bibêje li hemû welatên Ewropayê kêm dibe.