Li Wanê 50 hezar jin wê li mekanên dîrokî bigerin

Şaredariya Bajarê Mezin a Wanê wê 50 hezar jinî bibe mekanên dîrokî.

Şaredariyê projeya xwe ya bi navê "Em 50 Hezar Jinên Xwe û Xweşikiyên Siruştî û Dîrokî Tînin Li Gel Hev" da nasandin.

Civîna Şaredariyê li tesîsên şaredariyê ya li navçeya Edremîtê çêbû.

Walî û Cigirserokê Şaredar Ozan Balci got Wan ji hêla siruşt, dîrok û çandê va bajarekî dewlemend e, bi taybetî divê havînê bê dîtin û wiha axivî: "Li der û dora Wanê cihên pir xweş hene. Em projeyeke nû didin destpêkirin. Emê 50 hezar jinî li siruşt û cihên dîrokî yên bajarê xwe bigerînin. Înşallah wê pir baş û bibereket be."

Ji bo gava ewil a projeyê 360 jin bi rê ketin ku herin Sûlava Muradiyeyê, Girava Axtamarê, Sûlava Kanîspiyê ya Çaxatê û Bazîda navçeya Agiriyê bibînin.