"Em hêvî dikin ku êrîşa dawîn berdewamiya siyaseta PKKyê nebe"

HEWLÊR

Berdevkê Hikûmeta Rêvebiriya Herêma Kurdistana Iraqê (HKI) Sefîn Dîzayî der barê êrîşa ku li Şanliurfayê li dijî xeta boriyê ya neftê ya Kerkûk-Yumurtalikê hat kirin da wiha got: "PKKyê sabotaja di meha remezanê da qebûl kir. Em hêvî dikin ku êrîşa dawîn berdewamiya siyaseta PKKyê nebe."

Dîzayî li Hewlêrê daxuyanî da rojnamevanan û êrîşên PKKyê yên li ser xeta boriyê ya neftê ku ji Iraqê diçe Tirkiyeyê nirxand.

Dîzayî destnîşan kir ku car caran li dijî xetê êrîş tên kirin û wiha got: "Ji ber êrîş, sabotaj û diziyê encamên neyînî dertên. Hin komên ku qerektera wan biçûk e ji bo menfeet û berjewendiyên xwe li dijî xetê sabotaj dikin. Carna jî wek mafyayê diziyê dikin."

Dîzayî diyar kir ku êrîşên li ser xetê zirareke mezin dide Iraqê û wiha got: "Ji ber ku temîrat zehf dewam dike, neft nayê sewqkirin. Ev jî ji bo me zirareke mezin e."