Iraq pîlan dike ku bi rêhesinê bigihîje Tirkiyeyê

Wezareta Gihandinê ya Iraqê got pîlan dikin ku welêt bi rêhesinê bigihînin Tirkiyeyê.

Ebdillah Laîbiyê Wezîrê Gihandinê yê Iraqê daxuyanî da televizyoneke Iraqê û pîlanên li ser qada xebatan a Şirketa Rêhesinê ya Iraqê axivî.

Laîbî diyar kir ku piştî kirîzê şirket kete pêvajoya başbûnê, di vê çarçoveyê da rêya di navbera Besr-Bexdayê da ji 10 saetî dakete 7 saetan, xeta di navbera rafîneriya Beyciyê û Samarayê da hat vekirin, pîlan dikin ku di demeke kin da xeta rêhesinê bikişînin Mûsil û Selahedînê.

Laîbî destnîşîan kir ku wekî wezaret pîlana wan ew e ku di pêşerojê da Tirkiye û Iraqê bi rêhesinê bigihînin hevdu lêbelê hûrgiliyên pîlan nedan.