Li dinyayê jimara pêketiyên Kovîd-19ê ji 25 milyon û 182 hezarî derbas bû

Li tevahiya dinyayê hejmara kesên ku şewba vîrusa koronayê ya nû (Kovîd-19) ya li Wuhana bajarê Hubeya eyaleta Çînê derket holê û kişiya wan, ji 25 milyon û 182 hezarî derbas bû.

Li gor "Worldometer"a malpera înternetê ya ku agahiyên li ser Kovîd-19ê berhev dike, li tevahiya dinyayê heta niha 846 hezar û 936 kes ji ber şewbê mirin.

Jimara pêketiyan derket 25 milyon û 182 hezar û 313an, 17 milyon û 515 hezar û 59 kesên ku vîrus kişiyabû wan jî qenc bûn.

Li ser rûyê dinyayê 6 milyon û 820 hezar û 318 kesên ku vîrus kişiyaye wan û tedawiya wan hê dewam dike, hene.

Welatê ku mirin û pêketiyên wê herî zêde ne, Amerîka ye. Li Amerîkayê hejmara pêketiyan derket 6 milyon û 139 hezar û 466an û ji ber şewbê heta niha 186 hezar û 857 kes jî mirin.

Ji bilî Amerîkayê welatên ku ji 250 hezarî zêdetir pêketiyên Kovîd-19ê lê hene ev in:

"Brezîlya (3 milyon û 846 hezar û 965), Hindistan (3 milyon û 546 hezar û 705), Rûsya (990 hezar û 326), Peru (639 hezar û 435), Afrîkaya Başûr (622 hezar û 551), Kolombîya (599 hezar û 914), Meksîka (591 hezar û 712), Îspanya (455 hezar û 621), Şîlî (408 hezar û 9), Arjantîn (401 hezar û 239), Îran (371 hezar û 816), Îngiltere (332 hezar û 752), Erebistana Siûdî (313 hezar û 911), Bangladeş (308 hezar û 925), Pakistan (295 hezar û 636), Fransa (272 hezar û 530), Tirkiye (267 hezar û 64) û Îtalya (266 hezar û 853)."

Ji bilî Amerîkayê welatên ku jimara miriyan ji 10 hezarî derbas dibe wiha ne:

"Brezîlya (120 hezar û 856), Meksîka (63 hezar û 819), Hindistan (63 hezar û 690), Îngiltere (41 hezar û 498), Îtalya (35 hezar û 473), Fransa (30 hezar û 602), Îspanya (29 hezar û 11), Peru (28 hezar û 607), Îran (21 hezar û 359), Kolombiya (19 hezar û 64), Rûsya (17 hezar û 93), Afrîkaya Başûr (13 hezar û 981) û Şîlî (11 hezar û 181)."