Li DYAyê helîkoptera kanala nûçeyan ket xwarê û 3 kes mirin

Li eyaleta Californiayê ya DYAyê, helîkoptera kanala nûçeyan NBC Newsê dema nûçe dişopand ket xwarê û di encamê da 3 kes mirin û kesek birîndar bû.

Li gorî nûçeya NBC Newsê, helîkoptera kanalê, ji bo çêkirina nûçeya qezaya otobusekê ya li bajarê Los Angelesê yê Californiayê ku tê de 2 kes mirin, rabû û piştî demekê ket xwarê.

Rayedarên îtfaiyeyê daxuyandin ku di encama qezaya helîkopterê da 3 mirin û kesek jî rakirin nexweşxaneyê.

Rayedaran destnîşan kir ku ji miriyan herî kêm kesek peyayek e ku di dema qezayê da li wê herêmê bû.

Hat ragihandin, Lijneya Ewlehiya Veguhastina Neteweyî (NTSB) û Rêveberiya Asîmangeriya Federal (FAA) jî dê tevlî lêpirsînê bibin ku dê der barê qezayê da bê destpêkirin.

Şaredara Los Angelesê Karen Bassê hem ji bo kesên di qezaya otobusê da û hem jî ji bo kesên di qezaya helîkopterê da mirin, xemgîniya xwe anî ziman.