Serokê Dewleta Çînê Şî di mijara Taywanê da hişyariya "pevçûnê" da Trump

Serokê Dewleta Çînê Şî Cînpîng di hevdîtina xwe ya bi Serokê Amerîkayê Donald Trump ra got heke mijara Taywanê bi awayekî rêkûpêk neyê çareserkirin, dibe ku Amerîka û Çîn pev biçin û têkiliyên wan bikevin xetereyeke mezin.

Li gorî daxuyaniya Xînhuayê, Şî û Trump li paytext Pekînê hatin bal hev.

Şî got parastina aştî û aramiyê ya li Tengava Taywanê "xala hevpar a herî mezin" ya di navbera her du welatan da ye.

Şî diyar kir ku mijara Taywanê di têkiliyên Amerîka û Çînê da mijara herî girîng e û ji Trump ra got heke mijara Taywanê baş bê rêvebirin têkilî wê baş dewam bikin, lê heke berevajî vê bê tevgerîn dibe ku di navbera herdu welatan da pevçûn çêbibin û têkiliyên wan bikevin xetereyeke mezin.