Utku Şimşek,Orhan Onur Gemici
20 Tîrmeh 2023•Rojanekirin: 21 Tîrmeh 2023
Encamên Ezmûna Saziya Hîndekariya Bilind (YKS-2023) eşkere bûn.
Serokê Navenda Pîvan, Bijartin û Bicihkirinê (OSYM) Alî Ersoy der barê encamên ezmûna YKS-2023yê da civîneke çapemeniyê li dar xist.
Ersoy daxuyand ku encamên ezmûna YKS-2023yê ya ku di 17-18yê Hezîranê da çêbûbû eşkere bûn, namzed wê bikaribin ji ser malpera "https://sonuc.osym.gov.tr"yê ya OSYMyê li encama ezmûna xwe binêrin.
Ersoy got pêvajoya tercîhkirina zanîngehan wê di navbera 27ê Tîrmehê û 8ê Tebaxê da çêbibe.
Ersoy anî ziman 3 milyon û 500 hezarî zêdetir namzedî serî li ezmûnê daye û wiha axivî: "Ji pirsên ku di ezmûnê da hatin pirsîn jê tu yek jî nehat betalkirin û bersiv nehatin guherandin. Ji ber vê, pêvajoya YKSyê pir paqij derbas bû."
Ersoy xwendekarên ku di ezmûnê da bûne yekemîn jî wiha eşkere kir: "Di qada hejmarî da 2 birayên me bûn yekemîn. Mustafa Ozcanê ji Liseya Anadoluyê ya Ataturk ya Enqereyê û Namik Emre Acarê ji Liseya Fenê ya Perwerdeya Profesyonel ya Taybet ya Konyayê. Di qada nîvenêvî da Emre Ekîcî, Liseya Fenê ya Suleyman Demirel-Afyonkarahîsar, di qada gotinî da Ahmet Berk Takir, Lîseya Mêran ya Kabataşê- Stenbol."
Ersoy anî ziman ku 338 hezar û 9 namzedan serî ji bo testên zimanê biyanî dane û wiha dewam kir: "Di vê qadê da di Almanî da Volkan Emre Eke, Lîseya Ataturk-Îzmir, di Erebî da Huseyîn Furkan Erdem, Lîseya Îmam Xetîbê ya Anadoluyê ya Mustafa Buyukkaplanê-Konya, di Frensî da Emîrhan Kiliç, Lîseya Galatasarayê ya Zanîngeha Galatasarayê- Stenbol, di Îngilizî da Metîn Furkan Amarat, Lîseya Fen û Teknolojiyê ya Siruştê ya Bucayê-Îzmir, di Rûsî da Bengîsu Akbaba, Lîseya Anadoluyê ya Taybet ya Takevê-Îzmir. Encam bila ji bo namzedên me, malbatên wan û hemû miletê me ser xêrê be."
