"Komeke eşqiya herêmê terorîze dike"

ANKARA

Serokwezîr Ahmet Davutoglu di civîna Meclisa Xebatê û Merasima Vekirina Komî ya Wezareta Karên Avê û Daristanê de axivî.

Davutoglu bûyerên terorê rexne kir û wiha got: "Em hewl didin ku gelek tesîsan ji bo xizmetê vekin, em li ser projeyên nû dixebitin. Li berevajî vê, çend eşqiyayên îdia dikin ku qaşo mafên herêmê diparêzin bi tenê dişewitînin, xirab dikin, herêmê terorîze dikin, welatiyan ji mal û welatên wan dikin. Dixwazin ku mirov mexdûr bibin, bê kar bimînin, perwerdeyê nebînin. Ji bo ku herêm pêşve neçe, çi ji destê wan tê dikin. Lê bila bizanin ku me destûr neda van, em nadin û em ê nedin.

Serokwezîr Davutoglu got ku wî ji serokên partiyên muxalefetê ji bo hevdîtinê randevu xwestiye û wiha axivî: "Ji bo ku ez bi serokên muxalefetê re hevdîtinan bikim, min duh ji wan randevu xwest. Hêvî dikim ku li 4 salên pêş me de heyameke ku em hevdu rexne bikin, hewce bike em reqabeta siyasetê bikin, lê di dawiyê de em menfeata welêt li ser hemû menfeatên siyasî bigrin dest pê bike. Ferqa me ew e ku em hemû Tirkiyeyê hembêz dikin."

- Me 3,5 milyar şitlê daran danîn

Davutoglu got ku heta niha wan 3,5 milyar şitlê daran danîne û wiha axivî: "Bila hemû kesên ku girîngiyê didin hawirdorê bibihîzin û bizanibin ku di dema AK Partiyê de me 3,5 milyar şitlê daran danîn. Ne milyon, milyar. Înşallah di demeke nêz de ji bo her mirovekî li dinyayê dijî li Tirkiyeyê şitlê daran daynin."