Serokomar Erdogan li Angolayê bi merasima fermî hat pêşwazîkirin

Serokomarê Tirkiyeyê Recep Tayyîp Erdogan li Luandaya paytextê Angolayê ji aliyê Serokomarê Angolayê Joao Manuel Gonçalves Lourenço va bi merasima fermî hat pêşwazîkirin.

Seba Erdogan di Qesra Serokomariyê da merasim hat lidarxistin. Dema ku Serokomar Erdogan ji wesayîta miqam peya bû, Serokomar Lourenço Erdogan pêşwazî kir.

Piştî ku Erdogan û Lourenço li qada merasimê cihê xwe girtin, muzîka sirûdên her du welatan hat lêxistin. Serokomar Erdogan bi Lourenço ra qiteya merasimê kontrol kir û silav da qiteya merasimê.

Piştî ku Serokomar Erdogan û Lourençoheyetên xwe bi hev dan nasîn, top hat avêtin.

Wezîrê Karên Derva Mevlut Çavuşoglu, Wezîrê Vejen û Çavkaniyên Siruştî Fatîh Donmez, Wezîrê Parastina Neteweyî Hulusî Akar, Wezîrê Bazirganiyê Mehmet Muş, Berdevkê AK Partiyê Omer Çelîk, Alîkarê Serokê Giştî yê AK Partiyê Efkan Ala, Serokê Ragihandina Serokomariyê Fahrettîn Altun û Berdevkê Serokomariyê Îbrahîm Kalin jî beşdarî merasimê bûn.