Ferhat Yasak
16 Îlon 2026•Rojanekirin: 16 Îlon 2026
Li peravên Sîlîvriyê, xebatên lêgerîn û xilaskirinê yên ji bo 9 personelê wenda yê keştiya bi navê "Tugberk Îmamoglu" ku piştî lihevketina bi keştiya "Alsu" ra binav bû, di roja 15em da berdewam dikin.
Piştî ku li Deryaya Marmarayê li peravên Sîlîvriyê di 2yê Îlonê da keştiyên bi navên "Alsu" û "Tugberk Îmamoglu" li hev ketin û keştiya "Tugberk Îmamoglu" binav bû, ji bo gihîştina personelê keştiyê, xebatên berfireh ên lêgerîn û xilaskirinê yên ku ji hêla Fermandariya Ewlekariya Peravan, Rêveberiya Giştî ya Ewlekariya Qeraxan û hêzên Hêzên Deryayî hatin destpêkirin, ji deryayê û hewa da didomin.
Ekîb fealiyetên xwe yên lêgerînê yên li qada qezayê bi kordîne dimeşînin.
Xizmên wendayan ku li navenda krîzê ya li peravê Sîlîvriyê bi koordînasyona qaymeqamtî û AFADê hat vekirin kom bûne, ji rayedaran li benda xeberekê ne.
- Bûyer
Di qezayê da ya ku nêzî 18 mîlan li deryayê rû da, keştiya bazirganiyê ya bi navê "Alsu" ku ji Kocaeliyê diçû Alîagayê û keştiya bi navê "Tugberk Îmamoglu" ku ji Bendera Îskenderûnê ber bi Eregliya Behra Reş va diçû, li hev ketibûn û piştî qezayê keştiya "Tugberk Îmamoglu" binav bûbû.
Di roja 4em a qezayê da bi piştgiriya pergalên sonar ên pêşketî û wesayîta binê avê ya bi kontrola ji dûr va (ROV) ya keştiya rizgarkirinê TCG Akin a Fermandariya Hêzên Deryayî, cihê kavilê keştiyê hatibû tespîtkirin û fealiyetên noqîn û lêgerînê li vê herêmê hatibûn zêdekirin.
Di xebatên lêgerîn û xilaskirinê da pêr termê zilamekî hatibû dîtin. Termê zilam bo Saziya Tiba Edlî hatibû sewqkirin û her wiha hatibû tesbîtkirin ku term yê kaptanê yekem ê keştiya binavbûyî Yaşar Kayhan e.
