Li hin herêmên Stenbolê barîna berfê didome

Li Stenbolê berfa ku sibehê zû dest pê kir, li hin herêman tesîra xwe didomîne.

Berfa ku li Sîlîvrî û Çatalcayê bi şev dest pê kir, serê sibehê li herêmên bakur û rojava û her wiha cihên bilind ên bajêr tesîra xwe nîşan da.

Berfa ku li bajêr bi navber dibare, li hin cihan şideta xwe zêde kir û li hin cihan jî ji nermê xwe va dibare.

Li Milê Ewropayê li Buyukçekmece, Bagcilar, Kuçukçekmece, Sultangazî, Başakşehir, Beylikduzu û Arnavutkoyê barîna berfê bi navber didome û li Bahçelievler û Bakirkoyê jî şilopeyê dest pê kir.

Li Milê Anadoluyê jî Umraniye, Çekmekoy û Beykoz di serî da li cihên bilind barîna berfê didome.

Girê Çamlicayê yê li Uskudarê û Daristana Aydosê di serî da li daristanên li cihên bilind berf tesîra xwe nîşan dide.

Li cihên berf dibare, wesayîtên parqkirî, devê rêyan û cihên keskahî bi berfê venixumîn.

Ji ber ketina berfê ajokar di rê da bi baldarî diçin.

Li hin navçeyan jî şilope dibare.

Ekîbên şaredarî û rêbejayê li rêyên sereke wek tedbîr di amadebaşiyê da ne.