Li HKIyê ji ber berfê welatî zehmetiyê dikşînin

HEWLÊR/SILÊMANIYE

Li Herêma Kurdistanê ji ber berf û sermayê zehmetî çêdibe.

Li ber deriyê sînor ê navneteweyî ya Hecî Omeran hatin û çûyîn bi zorê dimeşe.

Midûrê bajarokê Hecî Omeran Mahdîd Arîf ji nûçegihanê AAyê re daxuyand ku ev çend roj e berf zêde dibare û deriyê sînor ê di navbera Kurdistan û Îranê geh tê girtin û geh tê vekirin.

Arif wiha axivî: "Li ser rêya sînor tevdîr hatin hildan. Rê ji berfê tê paqijkirin. Li aliyê Îranê pirsgirêk tune. Ji ber berfê rê tê girtîn û di hatin û çûyînê de zehmetî çêdibe. Gelek tirên ji Îranê tên Kurdistanê mehsur dibînin."

- Li Silêmaniyeyê hin dibistan hatin tetîlkirin

Li Silêmaniyeyê jî hin seferên balafiran hatin betalkirin û hin dibistan hatin tetîlkirin.

Midûrê Giştî yê Balafirgeha Navneteweyî ya Silêmaniyeyê Dana Mihemed ji nûçegihanê AAyê re daxuyand ku serê sibê berf zêde barî û wiha axivî: "Ji ber ewlehiya rêwiyan hin sefer hatin betalkirin. Dema ku rewşa hewayê normal bibe ev sefer wê bên kirin."

Dîsa li Silêmaniyeyê hin dibistan hatin tetîlkirin.