Paytext Enqere bi barîna berfê ra spîçîl bû

Li paytext Enqereyê piştî barîna berfê rûyê erdê çîl û spî bû.

Li navenda bajêr û her wiha li hin herêman piştî barîna berfê, li parqên ku navenda cazibeya bajêr in, dîmenên wek kartpostan çêbûn.

Berfê her wiha Anitkabîr, Meydana Ulusê, derdora Sihhiyeyê û Parqa Kuguluyê jî spî kir.

Li Parqa Kuguluyê bi barîna berfê ra dîmenên sipehî çêbûn û lewma welatiyan jî berê xwe da vir û têr wêne kişandin.

Her wiha ekîbên Şaredariya Bajarê Mezin ê Enqereyê û yên navçeyan li ser kuçe û kolanan rê xwê kirin û berf verotin.

Li bajêr polêsên trafîqê li devê rêyên sereke tedbîr sitandin û hin ajokaran jî ji ber berfê zehmetî kişandin.