Kapusla bi navê Sayuz MS 11 ku 204 rojan li Îstasyona Navneteweyî ya Fezayê (UUI) peywir bi cih anî, li Qazaxistanê danî.
Di daxuyaniya nivîskî ya Ajansa Fezayê ya Federal a Rûsyayê (ROSCOSMOS) da hat destnîşankirin, wesayîta fezayê ya ku kozmonotê Ûris Oleg Kononenko, astronotê ji Ajansa Fezayê ya Kanadayê (CSA) David Saint-Jacques û astronota ji Ajansa Feza û Hewageriyê ya Amerîkayê (NASA) Anne McClain tê da bûn, bi serkeftî danî û rewşa tenduristiya endamên ekîbê baş e.
Di daxuyaniyê da hat diyarkirin ku ekîb 197 rojan li UUIyê man û di vê maweyê da jî çendîn lêkolînên zanistî û ceribîn pêk anîn.
Soyuz MS 11 par di 3yê berfanbarê da bo fezayê hatibû şandin.
Li Îstasyona Fezayê ya Navneteweyî ku NASA, Roscosmos, ESA, CSA û Ajansa Lêkolînên Fezayê ya Japon JAXA bi awayekî hevbeş bi rê va dibin, lêkolînên fezayê û ceribînên bingehîn ên zanistî tên kirin.
