مەھمەت شیمشەک: " خێرایی وەبەرھێنانی ڕاستەوخۆی بیانی لە تورکیا لەزیادبوندایە"

ئەنقەرە ــ AA

وەزیری گەنجینە و دارایی تورکیا، مەھمەت شیمشەک ڕایگەیاند خێرایی وەبەرھێنانی ڕاستەوخۆی بیانی لە تورکیا لەزیادبوندایە.

مەھمەت شیمشەک لە ھەژماری خۆی لە تۆڕی کۆمەڵایەتی " NSosyal" ئاماژەی بەو ڕێککەوتننامەیە کردووە کە دوێنێ سێشەممە لە بوارەی وەبەرھێنانی وزەی خۆر بە بەھای دوو ملیار دۆلار لەنێوان تورکیا و سعوودیە واژووکراوە.

ڕاشیگەیاندووە : "خێرایی وەبەرھێنانی ڕاستەوخۆی بیانی لەزیادبوندایە. لە١١مانگی ٢٠٢٥دا وەبەرھێنانەکان سەدا ٢٨زیادیانکردوە و گەیشتونەتە ١٢،٤ملیار دۆلار، ئەمەش زیادبوونی متمانەیە بە بەرنامەکەمان".

ئاماژەی بەوەشداوە: "وەبەرھێنانی ڕاستەوخۆی بیانی بۆ پڕۆژەکانی وزەی نوێبووەوە لە تورکیا بە بەھای دوو ملیار دۆلار، دەبێتە مایەی خێراکردنی ھەنگاوانان بەرەو پڕۆژەکانی سەوزایی، بەرزکردنەوەی ئاسایشی وزە و کەمکردنەوەی پشتبەستن بە ھاوردەکردنی وزە".