Firdevs Yüksel
13 کانوونی دووەم 2021•نوێکردنەوە: 13 کانوونی دووەم 2021
ئیستانبوڵ- AA
لە بازاڕەکانی جیهاندا بەرمیلێک نەوتی خاوی برێنت بە ٥٧ دۆلار و ٢٢ سەنت مامەڵەی پێوەدەکرێت.
دوێنێ نرخی بەرمیلێک خاوی برێنت گەیشتە ٥٦ دۆلار و ٧٩ سەنت و رۆژەکەی بە ٥٦ دۆلار و ٥٨ سەنت تەواو کرد، بەڵام کاتژمێر ٠٩:١٧ی بەیانی ئەمڕۆ نرخەکان بەڕێژەی سەدا ١،١٣ بەرزبووەوە و بە ٥٧ دۆلار و ٢٢ سەنت فرۆشرایە کڕیاران.
لە هەمان کاتدا بەرمیلێک نەوتی رۆژئاوای تەکساس بە ٥٣ دۆلار و ٧٥ سەنت مامەڵەی پێوەکرا.
کەمبوونەوەی یەدەگەکانی نەوتی ئەمریکا رۆڵی هەبوو لە زیادبوونی خواست لەسەر نەوت و بەرزبوونەوەی نرخەکان.
بەگوێرەی ئەو پێشبینیانەی دوێنێ ئهنستیتیوتی نەوتی ئەمریکا بڵاویکردوونەتەوە لە یەدەگەکانی نەوتدا بەراورد بە هەفتەی پێشوو نزیکەی ٥،٨ ملیۆن بەرمیل کەمیکردووە لە کاتێکدا چاوەڕێ دەکرا ٢،٧ ملیۆن بەرمیل کەمبکات.
لە لایەکی دیکەشەوە چاوەڕێ دەکرێت جۆ بایدن دوای هاتنە سەر دەسەڵاتی لە ٢٠ی کانوونی دووەمدا پاکێجی پشتیوانی بۆ زیانلێکەوتووانی کۆرۆنا پەسەند بکات و ئەمەش هۆکارێکی دیکەی بەرزبوونەوەی نرخەکانە.
بەهەمانشێوە هەوڵە ئەرێنییەکانی تایبەت بە بەکارهێنانی پێکوتهی دژەکۆرۆنا کاریگەری لەسەر بەرزبوونەوەی نرخی نەوت هەبووە.
