سەردانی ئەیاد عەلاوی بۆ لوبنان

بەیروت

جێگری سەرکۆماری عێراق، ئەیاد عەلاوی رایگەیاند رووبەڕووبوونەوەی حکوومەتێکی بەھێزی لوبنان بۆ کێشەکانی ناوچەکە و ئەنجامدانی ھەڵبژاردنی گشتی لەو وڵاتەدا، دەرفەتێکی مێژوویی دەڕەخسێنێت.

عەلاوی لە چوارچێوەی سەردانێکی فەرمی بۆ وڵاتی لوبنان، لەگەڵ سەرۆکوەزیرانی ئەو وڵاتە تەممام سەلام کۆبووەوە.

دوای کۆبوونەوەکە، عەلاوی و سەلام کۆنگرەیەکی رۆژنامەوانی ھاوبەشیان لە بینای سەرۆکایەتی وەزیرانی لوبنان لە بەیروت ساز کرد کە تێدا پرسی ناوخۆیی و ناوچەیی خرایە بەرباس و گفتوگۆ.

جێگری سەرکۆماری عێراق خۆشحاڵی خۆی لەمەڕ پێشھاتە سیاسیییەکانی لوبنان دەربڕی و گوتی: "رەوشی ئێستای لوبنان، دەرفەتێکی مێژووییە بۆ سەقامگیری، رێککەوتنی سیاسی و بونیاتنانی دامودەزگاکانی حکوومی".

ھاوکات عەلاوی بانگەوازی یەکگرتوویی و نزیکبوونەوەی بۆ سیاسەتمەدارانی لوبنان کرد.