ئاڵتون: "هەوڵی کەڵک وەرگرتنی دادپەروەرانە لە ژیریی دەستکرد دەدەین"

ئەنقەرە - AA

سەرۆکی فەرمانگەی پەیوەندییەکانی سەر بە سەرۆکایەتی کۆماری تورکیا فەخرەددین ئاڵتون ڕایگەیاند، "سەردەمی ئێستا بە سەردەمی نوێ لە گەیاندن و دیجیتاڵ دەزانین و بۆ کەڵک وەرگرتنی دادپەروەرانە لە ڕێگەی ڕاستیدا، کەڵک لە ژیریی دەستکرد لە میدیا وەردەگرین".

ئاڵتون لە کۆڕبەندێکدا بە ناونیشانی "بەڕێوەبردنی ژیری دەستکرد لە میدیادا" گوتارێکی پێشکەش کرد و باسی لە گرنگی بەکارهێنانی ژیریی دەستکرد لە میدیادا کرد.

فەخرەددین ئاڵتون وێرای جەختکردنەوە لە گرنگی کەڵک وەرگرتن لە تەکنەلۆجیا گوتی: "ژیریی دەستکرد بەشێکی گرنگە لە میدیادا و بۆ بەکارهێنانی پێویستمان بە ڕێبەری، پلاندانان و بەدواداچوون هەیە".

گوتیشی: "ئەگەر بمانەوێت ئەم دیاردەیە بەڕێوە ببەین، پێویستە ئاستی توانایی میدیاییمان بەرز بکەینەوە و لە ستراتیجیەتی ژیریی دەستکرد تێبگەین. تورکیا لەم بوارەدا لە هەوڵدایە ئاستی زانیاری میدیایی و تەکنەلۆجیای نوێ بە خەڵکەکەی بگەیەنێت".

سەرۆکی فەرمانگەی پەیوەندییەکانی سەر بە سەرۆکایەتی کۆماری تورکیا فەخرەددین ئاڵتون گوتیشی، "یەکێک لە گرنگترین هەنگاوەکانمان پێداگریی لەسەر بەرەنگاربوونەوەی زانیاری ناڕاست دەکەین. ئەم بابەتە ڕەهەندێکی ڕێکخراوەیی بە زانیاریی میدیایی بەخشیووە. ناوەندی بەرەنگاربوونەوەی زانیاریی ناڕاست سەر بە فەرمانگەی پەیوەندییەکان و ئاژانسی ئانادۆڵو، بە دوو پڕۆژەی گرنگ لەم بوارەدا دەژمێردرێن".