"ئیتر رێکخراوی تیرۆریستی جوداکار ناتوانێ ئازاری برایانی کوردم بدات"

دیاربەکر -AA

سەرۆکی گشتی ئاک پارتی و سەرکۆماری تورکیا، رەجەب تەیب ئەردۆغان رایگەیاند کە رێگە نادەن ھیچ کەسێک پەیوەندیان لەگەڵ دیاربەکر تێکبدات. گوتیشی: "خۆشەویستی ئێمە بۆ دیاربەکر وەک بەفر نییە لە ژێر خۆر بتوێتەوە. بەڵکو لێکدانەبراون وەک پەنجە و نینۆک".


سەرۆکی گشتی ئاک پارتی و سەرکۆماری تورکیا، رەجەب تەیب ئەردۆغان لە ٦شەمین کۆنگرەی ئاسایی پارتەکەی لە شاری دیاربەکر وتارێکی پێشکەش کرد.

ئەردۆغان گوتی: "ھەرکەسێک بەھۆی کوردبوونی خۆی لە وڵاتەکەمان گوشاری خرابێتە سەر و مافی خورا بێت ئەوا رەجەب تەیب ئەردۆغان لایەنگری ئەوە و لەگەڵ ئەو خەبات دەکات".

سەرکۆماری تورکیا ئەردۆغان لەبارەی پەکەکە گوتی: "لەم وڵاتەدا رێکخراوی تیرۆریستی جوداکار زۆر ئازاری برایانی کوردی ئێمەی داوە، بەڵام ئیتر ناتوانن ئازاریان بدەن".

ئەردۆغان راشیگەیاند کە ئەوان دووبارە سەر لە نوێ شاری دیاربەکریان بونیاتناوەتەوە، گوتیشی: "بەتایبەتی لە کردەکانی چاڵھەڵکەندنی ساڵی ٢٠١٥دا، ئەو رێکخراوە رەقی و نزمێتی وەک رۆژی رووناک راستیەکان خرانەڕوو. ئەو وێرانیەی رێکخراوەکە بووە ھۆی، ئێمە وەک دەوڵەت سەرلەنوێ بە بنیاتنانەوە نەمانھێشت و، ناو دیاربەکرمان کردە دیاربەکرێکی نوێ".

سەرکۆماری تورکیا، رەجە تەیب ئەردۆغان راشیگەیاند: "چەک لە دەستی گەنجانی پەکەکە ھەیە، بەڵام لە دەستی گەنجانی ئێمە کۆمپیوتەر ھەیە، جیاوازیان ئەوەیە".

ئەردۆغان لەبارەی ئۆپەراسیۆنی لقی زەیتون: "رزگارکردن نزیکبووەتەوە (عەفرین) ئیتر برایانی من لەو شوێنە دەگەڕێنەوە خاکی خۆیان. لە دوای ئارامییەکی زۆر ئیتر ئەو شوێنە رزگار دەکرێ".

سەرکۆماری تورکیا ئەردۆغان ھەر لەبارەی پەکەکە گوتیشی: "لە بەرزترین خاڵی لووتکەی چاکسازیەکانماندا رێکخراوی تیرۆریستیی بە ھەڵکەندنی چاڵ لە گەڕەکەکانی شارەکانماندا بەلای خۆیانەوە وایانزانی بەربەرەکانی وڵات و گەلەکەمان دەکەن. ھەر ئەو کاتە تەماشامانکرد کە ئەوانە لە ئامۆژگاری تێناگەن، بۆیە بەناچاری کوتەکمان خستەکار. ھێزە ئەمنیەکانمان لە ھەر شوێنێکی وڵاتەکەماندا ھەوڵی ھاوشێوە ھەبوو بێت بەتایبەتی لە ناوچەی سوور ھەموویانی سڕیەوە و، تیرۆریستانی لەو چاڵانەدا ژێرخاکنا کە ھەڵیانکەندبوو".

سەرۆکی گشتی ئاک پارتی و سەرکۆماری تورکیا، رەجەب تەیب ئەردۆغان ھۆشداری دایە ئەو کەسانەی کە چەک لە دی تورکیا ھەڵدەگرن، لەمبارەیەوە گوتی: "لەمەودوا ھەر کەسێک چەک ھەڵبگرێ و مافی ھاووڵاتیانمان پێشێڵ بکات و یەکپارچەیی و یەکریزی گەل تێکبدات ئەوا پۆلیس و سەربازانمان ئامادەن. بۆ ئێمە جیاوازی نییە ئەگەر فەتۆ و داعش و یەپەگە بێت. سەیری فرمێسکی چاوی ھیچ کەسێک ناکەین کە ھەڕەشە لە سەربەخۆیی و داھاتوومان بکات، دەستبەجێ سەری پاندەکەینەوە".

سەرکۆماری تورکیا ئەردۆغان گوتیشی: "ئەوانەی خوشک و برایانی کوردم، عەرەبم، زازام، ھەموو ئەوانە لە دیاربەکر دەژین بێزا دەکەن، ئێمە لە بەرامبەر خۆیان دەبیننەوە و، بە قورسی باجی ئەوە دەدەن. ھەروەھا ئەوانە نوێنەری خوشک و برایانی کوردم، تورکم، عەرەب و زازام نین. ئەوانە ساختەکارن، جەلادن".

سەرکۆماری تورکیا، رەجەب تەیب ئەردۆغان لە درێژەی وتارەکەیدا زیاتر گوتیشی: "لە ھەر ساتێکدا لەوانەیە عەفرین بکەوێ. ھەر کە عەفرین کەوت، گشت برایانمان لەو ناوچەیە دەگەڕێنەوە ماڵەکانی خۆیان".