بورسا.. ناوه‌ندی خلیسكێنه‌ی چیای ئوڵوداغ به‌ڕووی ئاره‌زوومه‌ندانی وه‌رزشه‌كانی سه‌ر به‌فردا كرایه‌وه‌

بورسا-AA

چیای ئوڵوداغ كه‌ یه‌كێكه‌ له‌ گرنگترین ناوه‌نده‌كانی خلیسكێنه‌ و گه‌شتیاریی زستانه‌ له‌ توركیا، به‌ڕووی سه‌ردانیكه‌رانیدا كرایه‌وه‌.

وه‌رزی ئه‌مساڵی یارییه‌كان له‌ ئوڵوداغ كه‌ هه‌موو ساڵێك هه‌زاران گه‌شثیاری بیانی و ناوخۆ رووی تێده‌كه‌ن، دوێنێ كرایه‌وه‌.

سه‌ردانیكه‌ران له‌سه‌ر ئه‌وه به‌فره‌ی كه‌ ئه‌ستوورییه‌كه‌ی گه‌یشتووه‌ته‌ ٥٢ سانتیمه‌تر، خلیسكێنه‌ و سكی سه‌ر به‌فریان تاقی كرده‌وه‌ و چێژیان بینی.

هاوكات تیمه‌كانی جه‌ندرمه‌ كۆنترۆڵی ئه‌وه‌ ده‌كه‌ن ئه‌و شۆفێرانه‌ی كه‌ ده‌یانه‌وێ بچنه‌ سه‌ر لووتكه‌كه‌ زنجیری تایه‌یان به‌ستووه‌ یان نا. ئه‌و ئۆتۆمبیلانه‌ی تایه‌كانیان تایه‌ی زستان نه‌بێت و زنجیریان نه‌به‌ستبێت، ناتوانن به‌ره‌و لووتكه‌كه‌ بچن.