دوورخستنه‌وه‌ی ئه‌حمه‌د تورك و تونجه‌ر باكرهان له‌ كاره‌كانیان

ئه‌نقه‌ره‌ - AA
وه‌زاره‌تی ناوخۆی توركیا، هه‌ریه‌ك له‌ سه‌رۆك شاره‌وانی ماردین، ئه‌حمه‌د تورك و سه‌رۆك شاره‌وانی ده‌ستبه‌سه‌ركراوی سێرت، تونجه‌ر باكرهان-ی له‌ كاره‌كانیان دوورخسته‌وه‌.
له‌ روونكردنه‌وه‌یه‌كدا كه‌ له‌لایه‌ن ناوه‌ندی راگه‌یاندنی وه‌زاره‌تی ناوخۆی توركیاوه‌ بڵاوكراوه‌ته‌وه‌، و، باس له‌وه‌ كراوه‌ كه‌ هه‌ریه‌ك له‌ سه‌رۆك شاره‌وانی ماردین، ئه‌حمه‌د تورك و سه‌رۆك شاره‌وانی ده‌ستبه‌سه‌ركراوی سێرت، تونجه‌ر باكرهان-ی له‌ كاره‌كانیان دوورخراونه‌ته‌وه‌ و، پارێزگاری ماردین، مسته‌فا یامان-ی كراوه‌ته‌ بریكاری سه‌رۆك شاره‌وانی ماردین و، جێگری پارێزگاری سێرت، جه‌یهون دلشاد تاشكن-ی كراوه‌ته‌ بریكاری سه‌رۆك شاره‌وانی سێرت.
به‌تۆمه‌تی "تێكدانی یه‌كێتیی و یه‌كپارچه‌یی ده‌وڵه‌ت، دابینكردنی پاره‌ بۆ رێكخراوی تیرۆریستیی چه‌كداری و ئه‌ندامبوون تیایدا، به‌كارهێنانی ئه‌ركه‌كه‌ی به‌ خراپی، به‌ سووك سه‌یركردنی گه‌لی تورك، كۆماری توركیا و په‌رله‌مان به‌ ئاشكرا" لێكۆڵینه‌وه‌ له‌سه‌ر ئه‌حمه‌د تورك كراوه‌ته‌وه‌.
سه‌رۆك شاره‌وانی سێرت، تونجه‌ر باكرهان به‌تۆمه‌تی "ئه‌ندامێتی په‌كه‌كه‌/كه‌جه‌كه‌" و به‌شداریكردن له‌ زۆر خۆپیشاندان و رێپێوان كه‌ له‌ سێرت كراون و پرۆپاگه‌نده‌كردن له‌به‌رژه‌وه‌ندی په‌كه‌كه‌، له‌ 16ی تشرینی دووه‌مدا ده‌ستگیركرا، پاشانیش ده‌ستبه‌سه‌ركرا.