دێرسم.. گیانلەدەستدانی سەربازێکی سوپای تورکیا

دێرسم - AA

لە ئاکامی شەڕ و پێکدادانی نێوان ھێزەکانی ئەمنی تورکیا و چەکدارانی رێکخراوی تیرۆریستی پەکەکە لە دەوربەری شارۆچکەی نازمییەی سەر بە پارێزگای دێرسم، سەربازێکی سوپا گیانی لەدەستدا و دوو سەربازی دیکە برینداربوون.

بەپێی ئەو زانیارییانەی لە سەرچاوەکانی ئەمنی وەرگیراون، لە میانی ئۆپەراسیۆنی سوپای تورکیا، شەڕ و پێکدادان لەگەڵ چەکدارانی رێکخراوی تیرۆریستی پەکەکە لە دەروبەری شارۆچکەی نازمییە روویداوە.

لە ئەنجامی ئەو شەڕ و پێکدادانە سەربازێکی سوپا گیانی لەدەستدا و دوو سەربازیش برینداربوون.

سەربازە بریندارەکان دەستبەجێ گواسترانەوە بۆ نەخۆشخانەی گشتی دێرسم.

راگەیەندرا کە باری تەندروستی سەربازە بریندارەکان جێگیرە.

ئەوەش راگەیەندرا کە ئۆپەراسیۆنی ھێزەکانی ئەمنی لە ناوچەکەدا بەردەوامی هەیە.