سەربازێك لە هەكارى شەهيد بوو

ئەنقەرە – AA

وەزارەتی بەرگریی تورکیا رایگەیاند کە لە ئاکامی رووداوێکی ھاتوچۆ لە پارێزگای ھەکاری باشووری خۆرھەڵاتی تورکیا، سەربازی گرێبەستی پیادە ئەبوبەکر سەل، شەھید بوو.

لەو راگەیەندراوەی کە لەلایەن وەزارەتی بەرگریی تورکیاوە بڵاوکراوەتەوە ھاتووە:

"لە ئاکامی رووداوێکی ھاتوچۆی ئۆتۆمبیلێکی سەربازیی لە ھەکاری، سەربازی گرێبەستی پیادە ئەبوبەکر سەل، شەھید بوو. رووداوەکە تووشی خەمێکی قوڵی کردین، نزا لە خوای گەورە دەکەین رەحم بە شەھیدەکەمان بکات و پرسە و سەرەخۆشی ئاراستەی خێزانی شەھید، سوپای تورکیا و گەلەکەمان دەکەین".