له‌ زۆربوونی مرداربوونی ماسییه‌كانی وان ده‌كۆڵدرێته‌وه‌

وان – AA

پسپۆڕان له‌ زۆربوونی مرداربوونی ماسییه‌كانی به‌نداوی كۆچكۆپرو له‌ قه‌زای ئه‌رجیش سەربە پارێزگای وان، ده‌كۆڵنه‌وه‌.

مامۆستا له‌ به‌شی به‌رهه‌مه‌ ئاوییه‌كانی زانكۆی یوزونجو یڵ/وان، دكتۆر مسته‌فا ئاككوش به‌هۆی زۆربوونی مرداربوونی ماسییه‌كان، به‌نداوی كۆچكۆپروی به‌سه‌ر كرده‌وه‌ و له‌مباره‌یه‌وه‌ رایگه‌یاند كه‌ وشكه‌ساڵیی بووه‌ته‌ هۆی كه‌مبوونه‌وه‌ی ئاستی ئاوی به‌نداوه‌كه‌‌ به‌ڕێژه‌یه‌كی به‌رز.

مستەفا ئاككوش تیشكی خسته‌ سه‌ر ئه‌وه‌ی كه‌ مرداربوونی ماسییه‌كان له‌و به‌نداوه‌دا زیادی كردووه‌ و گوتی: "به‌هۆی زیادبوونی چه‌ند مادده‌یه‌كه‌وه‌ له‌ مانگی ئه‌یلووله‌وه‌، مرداربوونی ماسییه‌كان زیادی كردووه‌. ئاوی به‌نداوه‌كه‌ ئێجگار لێڵه‌ و به‌مه‌یش ئاستی ئۆكسجین كه‌م ده‌بێته‌وه‌. ئه‌مساڵ به‌هۆی وشكه‌ساڵییه‌وه‌ ئاستی ئاوی به‌نداوه‌كه‌ ئێجگار زۆر كه‌می كردووه‌. له‌وانه‌یه‌ كه‌مبوونه‌وه‌ی ئاستی ئاو به‌م شێوه‌یه‌ به‌ درێژاییی مێژوو رووی نه‌دابێت".

تیمه‌كانی به‌ڕێوه‌به‌رایه‌تیی گشتیی كشتوكاڵ و دارستانه‌كانی وان، به‌مه‌به‌ستی لێكۆڵینه‌وه‌ لێیان له‌ تاقیگه‌كان، نموونه‌ی ماسییه‌كانیان له‌ هه‌ردوو به‌نداوی كۆچكۆپرو و به‌نداوی ساریمه‌همه‌ت له‌ قه‌زای مورادییه‌ وه‌رگرت. ‌​​​​​​​