له‌ ماوه‌ی پێنج مانگدا زیاتر له‌ ١٢ ملیۆن کەس سه‌ردانی توركیایان كردووه‌

ئه‌نقه‌ره‌ - AA

توركیا له‌ پێنج مانگی یه‌كه‌می ساڵدا میوانداریی ١٢ ملیۆن و ٧٥٧ هه‌زار و ٥٢٢ سه‌ردانیكه‌ری بیانی كردووه‌ كه‌ به‌راورد به‌ هه‌مان ماوه‌ی ساڵی رابردوو، ژماره‌كه‌ له‌سه‌دا ١١،٣ زیادیكردووه‌.

به‌پێی ئاماره‌كانی وه‌زاره‌تی كولتوور و گه‌شتیاریی سه‌باره‌ت به‌ هاتن و رۆیشتن له‌ ده‌روازه‌ سنوورییه‌كان و فڕۆكه‌خانه‌كان، له‌ مانگی ئایاردا چوار ملیۆن و ٢٢ هه‌زار و ٢٥٤ بیانی سه‌ردانی توركیایان كردووه‌.

به‌وشێوه‌یه‌ش ژماره‌ی ئه‌و بیانییانه‌ی له‌ مانگی ئایاردا سه‌ردانی توركیایان كردووه‌، به‌راورد به‌ هه‌مان مانگی ساڵی رابردوو له‌سه‌دا ٩،٣٥ زیادیكردووه‌.

هه‌ر به‌پێی ئاماره‌كان له‌ پێنج مانگی یه‌كه‌می ساڵدا ١٢ ملیۆن و ٧٥٧ هه‌زار و ٥٢٢ سه‌ردانیكه‌ری بیانی له‌ توركیا میوانداریی كراون كه‌ به‌راورد به‌ هه‌مان ماوه‌ی ساڵی رابردوو، ژماره‌كه‌ له‌سه‌دا ١١،٣ زیادیكردووه‌.