هه‌كاری.. بارهه‌ڵگرێك منداڵێكی شێلا

هه‌كاری - AA

كیژۆڵه‌یه‌كی ته‌مه‌ن چوار ساڵ كه‌ له‌ شارۆچكه‌ی شه‌مزینانی سه‌ر به‌ پارێزگای هه‌كاری بارهه‌ڵگرێك لێیدابوو، گیانی له‌ده‌ستدا.

به‌پێی ئه‌و زانیارییانه‌ی ده‌ست ئاژانسی ئانادۆڵو كه‌وتووه‌، بارهه‌ڵگره‌كه‌ كه‌ سه‌ر به‌ كۆمپانیایه‌كی تایبه‌ت بووه‌ و هێشتا ژماره‌ی تابلۆ و ناسنامه‌ی شۆفێره‌كه‌ی ئاشكرانه‌كراوه‌ له‌ میانی تێپه‌ڕینیدا به‌ گه‌ڕه‌كی مۆدای شارۆچكه‌كه‌دا، مینه‌ یڵمازی ته‌مه‌ن چوار ساڵی شێلاوه‌.

مینە یڵماز له‌شوێنی رووداوه‌كه‌دا گیانی له‌ده‌ستدا و ته‌رمه‌كه‌ی گوازرایه‌وه‌ بۆ پزیشکی دادوەری نه‌خۆشخانه‌ی شه‌مزینان به‌ مه‌به‌ستی توێكاری.

دواتریش شۆفێری بارهه‌ڵگره‌كه‌ ده‌ستگیركرا.