پرسی بەعشیقە لە نێوان داودئۆغڵو و بایدن

سەرۆک وەزیرانی تورکیا ئەحمەد داودئۆغڵو رایگەیاند لە دیداریان لەگەڵ جێگری سەرۆکس ئەمریکا جۆ بایدن، باسیان لە پرسی کامپی بەعشیقە کردووە و بە مەبەستی زیاتر قسە و باسی کامپەکەی تورکیا لە بەعشیقە بڕیاریان داوە دانیشتنی زیاتر ئەنجام بدەن و بگەنە ئەنجامێکی بەرجەستە. ئەوە لە کاتێکدایە کە داودئۆغڵو ئاماژە بەوە دەکات تەوەرێکی دیداری نێوانیان بەعشیقە بووە.

بەگوێرەی زانیاریی وەرگیراو لە نووسینگەی سەرۆکایەتیی وەزیرانی تورکیا داودئۆغڵو و بایدن لە دیدارەکەیان باسیان لە بەرەنگاربوونەوەی داعشیش لە ناوچەکەدا کردووە. جەختیان لەسەر بەهێزکردنی سەنگەرەکانی دژ بە داعش لە عێراق کردووە و کۆک بوونە لەسەر بەکارهێنانی پلانی باشتر لەمبارەوە.