پوتین پرسەنامەیەکی ئاراستەی ئەردۆغان کرد

مۆسکۆ - AA

بۆهێرشە تیرۆریستییەکەی شاری ئیستانبوڵ سەرۆکی رووسیا، ڤلادیمیر پوتین پرسەنامەیەکی ئاراستەی سەرکۆماری تورکیا، رەجەب تەیب ئەردۆغان کرد.

پرسەنامەکەی پوتین لە ماڵپەڕی فەرمی کرملین بڵاوکراوەتەوە، تیایدا هاتووە کە ئیدانەی ئەو هێرشە قێزەون و بێڕەوشتییە دەکات و، دڵنیایشە کە ئەوانەی ئەم تاوانەیان ئەنجام داوە باجەکەی دەدەن.

پوتین لە پرسەنامەکەیدا سەرەخۆیشی خۆی ئاراستەی کەسوکاری قوربانیان کردووە و هیوای زوو چاکبوونەوەی بۆ برینداران خواستووە.

ڤلادیمیر پوتین تیشکی خستووەتە سەر ئەوەی کە هێرشەکە جارێکی دیکە پێویستی هەوڵی هاوبەشیان لێ دەخوازێت لە بەرەنگاربوونەوەی نێودەوڵەتی دژی تیرۆریستان.