ژماره‌ی قوربانیانی ته‌قینه‌وه‌كه‌ی بورسا گەیشتە پێنج كه‌س

بورسا - AA

له‌ ئه‌نجامی ته‌قینه‌وه‌یه‌كدا له‌ كارگه‌یه‌كی بەرهەمهێنانی بۆیه‌ له‌ شارۆچكه‌ی گوروسوی بورسا، پێنج كرێكار گیانیان له‌ده‌ستدا و، چواری دیكه‌ش برینداربوون.

پارێزگاری بورسا، عێزه‌دین كوچوك، به‌ ئاژانسی ئانادۆڵوی راگه‌یاند كه‌ ده‌ستبه‌جێ پاش ته‌قینه‌وه‌كه‌ سه‌ردانی شوێنی رووداوه‌كه‌ی كردووه‌ و، گوتی: "له‌ ئێستادا پێنج كه‌س گیانیان له‌ده‌ستداوه‌ و، چوار بریندار هه‌ن. برینداره‌كان گوازراونه‌ته‌وه‌ بۆ نه‌خۆشخانه‌".