ھەڵسەنگاندنی وەزیری بەرگری تورکیا لەبارەی پرۆگرامی F-35

ھاتای - AA

وەزیری بەرگری تورکیا، خولوسی ئاکار لەبارەی بڕیاری ئەمریکا پەیوەندیدار بە پرۆگرامی F-35 گوتی: "دوورخستنەوەمان لە پرۆگرامی ئێف-٣٥ بە نەرێنی کار دەکاتە سەر باڵی باشووری ھێزی ناتۆ. وەک مافێکی سرووشتی لە ھاوبەشی ستراتیژیدا چاوەڕانیمان لە ئەمریکا ئەوەیە کە واز لەم ھەڵوێستەی ئێستای بھێنێ و خۆی بەدوور بگرێ لەو ھەنگاوانەی کە زیان بە پەیوەندییەکانمان دەگەیەنێت".

ئاکار ھاوشانی سەرۆکی ئەرکانی سوپای تورکیا، یەشار گولەر، فەرماندەی ھێزەکانی وشکایی تورکیا، ئومیت دوندار، فەرماندەی ھێزەکانی دەریایی، عەدنان ئۆزبال و فەرماندەی ھێزەکانی ئاسمانی تورکیا، حەسەن کوچوکئاکیوز یەکەکانی سوپای تورکیای لەسەر سنووری سووریا بەسەرکردەوە و وەڵامی پرسیارەکانی ئاژانسی ئانادۆڵوی دایەوە.

خولوسی ئاکار ھەڵسەنگاندنی بۆ بڕیاری ئەمریکا پەیوەندیدار بە پرۆگرامی F-35 کرد و رایگەیاند کە تورکیا لە ژێر ھەڕەشەسەکی جددی ئاسمانی و مووشەکیی دایە.

وەزیری بەرگری تورکیا، خولوسی ئاکار لەبارەی بڕیاری ئەمریکا پەیوەندیدار بە پرۆگرامی F-35 گوتی: "دوورخستنەوەمان لە پرۆگرامی ئێف-٣٥ بە نەرێنی کار دەکاتە سەر باڵی باشووری ھێزی ناتۆ. وەک مافێکی سرووشتی لە ھاوبەشی ستراتیژیدا چاوەڕانیمان لە ئەمریکا ئەوەیە کە واز لەم ھەڵوێستەی ئێستای بھێنێ خۆی بەدوور بگرێ لەو ھەنگاوانەی کە زیان بە پەیوەندییەکانمان دەگەیەنێت".

ئاکار گوتیشی: "ئەوە روون و ئاشکرایە کە دوورخستنەوەی تورکیا لە پرۆژە و ھاوبەشی کار بە بڕیارێکی تاک لایانە و نادادپەروەر، ھیچ ھۆکارێکی رەوای لە دواوە نییە".

وەزیری بەرگری تورکیا ئاکار لەبارەی ھێرشە چەکدارییەکەی دوێنێ بۆ سەر رێستۆرانتێک لە شاری ھەولێر گوتی: "لە دوای ئەو ھێرشە ناپاکەی کە لە ھەولێر ئەنجامدرا، گورزێکی توند لە رێکخراوی تیرۆریستی وەشێندراوە بەھۆی ئەو ھێرشە ئاسمانییە فراوانانەی کە لەم دواییەدا بۆ سەر قەندیل ئەنجامدرا".