رووبەڕووبوونەوەکانی خولی پاڵەوانەکانی ئەورووپا

ئیستانبوڵ- AA

خولی پاڵەوانەکانی ئەورووپا کە گرنگترین رکابەری تۆپی پێیە لەسەر ئاستی ئەو کیشوەرە، بەردەوامە.

لە هەفتەی پێنجەمدا، هەشت رووبەڕووبوونەوەی گرووپەکانی E،F،G و H بەڕێوەچوو.

لە گرووپی Hدا، یانەی پاریس سان- جێرمان-ی فەڕەنسی و یانەی مانچستەر یونایتد-ی ئینگلیزی رووبەڕووی یەکبوونەوە، یاریەکە بە ئەنجامی ٣-١ لە بەرژەوەندی یانە فەڕەنسییەکە کۆتایی هات.

لە رووبەڕووبوونەوەیەکی دیکەی هەمان گرووپدا، یانەی مێدیپۆل باشاکشەهیر-ی تورکی میوانداری یانەی لایپزیک-ی ئەڵمانی کرد و یارییەکە بە ئەنجامی ٤-٣ لە بەرژەوەندی یانەی لایپزیک کۆتایی هات.

بەم شێوەیە یانەی مێدیپۆڵ باشاکشەهیر ماڵئاوایی لە خولی پاڵەوانەکانی ئەورووپا کرد.

هەروەها لە گرووپی Eدا، یانەی چێڵسی-ی ئینگلیزی بە ئەنجامی ٤-٠ لە یانەی سێڤیلیا-ی ئیسپانی بردەوە، هەر چوار گۆڵەکەش لەلایەن یاریزانی فەڕەنسی، ئۆلیڤییە جیرۆ-وە تۆمار کرا، ئەمەش یەکەمجارە لە خولی پاڵەوانەکانی ئەورووپادا یاریزانێک لە یەک یاریدا چوار گۆڵ تۆمار بکات.

لە گرووپی Gدا، یانەی بارسێلۆنا-ی ئیسپانی رووبەڕووی یانەی فێرێنچڤاروش-ی هەنگاری بووەوە یارییەکە بە ئەنجامی ٣-٠ لە بەرژەوەندی یانەی بارسێلۆنا کۆتایی هات.

ئەنجامی رووبەڕووبوونەوەکانی هەر چوار گرووپەکە بەم شێوەیەبوو:
گرووپی E:

سێڤیلیا (ئیسپانیا)- چێڵسی (ئینگلتەرا): ٠-٤
کراسنۆدار (رووسیا)- رەین (فەڕەنسا): ١-٠

گرووپی F:

بوروسیا دۆرتموند (ئەڵمانیا)- لازیۆ (ئیتاڵیا): ١-١

کڵەپ بروج (بەلجیکا)- زەنیت (رووسیا): ٣-٠

گرووپی G:

یوڤێنتوس (ئیتاڵیا)- دینامۆ کییەڤ (ئۆکراینا): ٣-٠

فێرێنچڤاروش (هەنگاریا)- بارسێلۆنا (ئیسپانیا): ٠-٣

گرووپی F:

مانچستەر یونایتد (ئینگلتەرا)- پاریس سانت- جێرمان: ١-٣

مێدیپۆڵ باشاکشەهیر (تورکیا)- لایپزیک (ئەڵمانیا): ٣-٤