Hawkar Yaseen
19 ئەیلوول 2021•نوێکردنەوە: 20 ئەیلوول 2021
هەولێر - AA
وەزارەتی تەندروستیی هەرێمی کوردستان بڵاوی كردهوه، لە میانی ٢٤ کاتژمێری رابردوودا، هەزار و ٢٥٣ تووشبووی نوێی کۆرۆنا تۆمارکراوە، هەزار و ٤٧٦ کەس لە ڤایرۆسەکە چاکبوونەتەوە و ١٧ کەسیش بەهۆی ڤایرۆسەکەوە گیانیان لەدەستداوە.
وەزارەتهكه ئاماری ٢٤ کاتژمێری رابردووی تایبەت بە ڤایرۆسی کۆرۆنای نوێ (COVID-19)ی بڵاوکردەوە.
وەزارەتی تەندروستیی هەرێمی کوردستان لە راگەیەندراوی رۆژانەی خۆیدا سەبارەت بە پەتای کۆرۆنا ئاماژەی بەوە داوە کە لە میانی ٢٤ کاتژمێری رابردوودا، هەزار و ٢٥٣ کەس تووشی کۆرۆنا بوون کە زۆرترین ژمارەیان لە سلێمانی بووە بە ٦٠١ تووشبوو، ٤٣٧ لە هەولێر، ١١٩ لە دهۆک، ٥٧ لە گەرمیان و ٣٩ کەسیش لە هەڵەبجە.
راشیگەیاندووە، لە میانی ٢٤ کاتژمێری رابردوودا، هەزار و ٤٧٦ کەس لە ڤایرۆسەکە چاکبوونەتەوە، زۆرترین ژمارەیان لە هەولێر بووە بە ٨٠٠ کەس، ٣٦٧ لە سلێمانی، ٢١٠ لە دهۆک، ٥١ لە گەرمیان، ٣٨ لە هەڵەبجە و ١٠ کەسیش لە راپەڕین.
بەپێی راگەیەندراوەکەی وەزارەتی تەندروستیی هەرێمی کوردستان، لە میانی ٢٤ کاتژمێری رابردوودا، ١٧ کەس گیانیان لەدەستداوە، حەوت کەس لە هەولێر، پێنج لە دهۆک، دوو لە سلێمانی و سێ کەسیش لە گەرمیان.
وەزارەتی تەندروستی راشیگەیاندووە، تا ئێستا لە هەرێمی کوردستان سێ ملیۆن و ٣٧ هەزار و ٦٦٧ پشکنینی کۆرۆنا ئەنجامدراوە، ئەنجامی ٣١٨ هەزار و ٨٢٠ کەس پۆزەتیڤ دەرچووە، لەو ژمارەیە ٢٨٥ هەزار و ٣٥٠ کەس چاکبوونەتەوە و ٢٧ هەزار و ٧٥٨ کەسیش لەژێر وەرگرتنی چارەسەرییدا ماون، هەروەها تا ئێستا پێنج هەزار و ٧١٢ کەس بەهۆی ڤایرۆسەکەوە گیانیان لەدەستداوە.
